Со фудбал до позелен Аеродром

Како што може да се види од сликава пред Мајчин дом у тек се подготовки за уште едно градежно уништување на она малце зелено шо остана у Аеродром.
Градоначалникот на Аеродром Златко Марин се јави со штуро соопштение у кое се вика дека Општина Аеродром ги разгледува сите правни механизми и бара начин да ја спречи градбата на плацот пред Мајчин дом.

Мене ме интересира што по ѓаволите праеле 5 месеци кога више се знаеше дека тука ќе се гради? Правдања од типот „предходните изгласаа“ не држи вода. Предходните изгласуваа и затоа изгубија, а на градоначалникот на Аеродром треба да му е јасно дека он не победи, туку дека Ивица Коневски изгуби. А изгуби баш поради тоа што у Аеродром се градеше без усул. За да биде добар градоначалник ќе треба малце поише да се потруди од собирање батерии и електронски отпад, примање донации за прочистувачи за воздух, делење признаници и слични работи кои би можел и ја да ги правам ко би бил градоначалник.

Али додека Општина Аеродром ги разгледува сите правни механизми, Аеродромци на 9 март - Петок у 17 ха, организираат настан наречен Со фудбал до позелен Аеродром, каде шо ќе порачаат дека више преку к... овај преку глава им е од градење у најзагадената општина у свет. Нешто поише за овој настан може да дознаете на овој линк и на овој линк.

Прочитано