Советник со инатење не бидува

Во ист ден заедно со изгласувањето на помош за Фк Вардар, советниците на Град Скопје изгласуваат и нешто кое исто така не може да се оствари во практика а тоа е покачувањето на платите за 5000 денари за градската администрација. Не дека некој не сака овие две работи да ги реализира туку не може. Не е изводливо.

Советниците се собираат еднаш месечно и за тоа земаат паушал од неверојатни 500 евра. И што сработуваат? И тој еден ден у месецот го арчат за ништо.

Место да се соберат (пред се ова важи за советниците од Вмро и Сдсм како најбројни партии у советот) и да изгласаат набавка на нови автобуси они расправаат за нешто што не е нивна работа као ова со покачување на платите. А точката за набавка на автобусите веќе не ја ни ставаат на дневен ред.

Советник со инатење не бидува и ова е најнепродуктивниот совет на град Скопје досега. Ако воопшто и имало продуктивен совет за овие 30 години.

Не знам дали се свесни али со ова што они го прават у советот они не прават штета на Данела туку на скопјани. А ако не се свесни тогаш ќе се освестат на следните избори кога никој нема да гласа за овие деструктивци.