Враќање у реалноста

После освајањето на титулата Европски шампион на Вардар, политичариве искористувајќи го тоа се потепаа кој ќе заземе подобар зицер и со тоа ќе инкасираат што поише политички поени на свое конто. Тука од сите овие политичари највише се истакна кој друг ако не Петре Шилегов. Човекот не работеше ништо друго него 4 дена преку својот фејсбук се расфрлаше со честитки, со комплименти, со организирање пречеци, со поставување видео бимови и што е најважно се расфрлаше и со парите на даночните обврзници. Стварно својски запна да заврши работа. Некој да гледа од страна и да не знае ќе помисли дека овој е прецедател на ракометен сојуз, а не градоначалник.

У недостиг на нешто подобро да објави со кое ќе ги израдува Скопјани, Шилегов многу умешно го користи секој спортски успех или музички настан за да го отргне вниманието на Скопјани од наталожените проблеми у градот. Право да ви кажам еве и ја сум уште под импресии и сеа да ме праша некој со кој проблеми се соочува Скопје стварно не би ми текнало што да кажам. Овие неколку дена Шилегов ќе се спаси од критики, али ко ќе спласне еуфоријава за жал ќе се вратиме у реалноста каде што ситуацијата не е баш за славење.

А до тогаш, ВАРДАРЕЕЕ! О ВАРДАРЕЕЕ! О ВАРДАРЕЕЕ ОЛЕ ОЛЕЕЕ..... - Скопски бее!!! Не се дери многу да не земам сукалото и доаѓај ваму да ги изљупиш компириве! - Еве душо идам само да дочитам колку пари ќе не чини све на све Европската титула на Вардар. Ај морам да идам. Спортски поздрав ЗДРАВО!

Постскриптум. За освајањето на Европската титула у Ракомет на Вардар, Владата и Град Скопје искешираа вкупно 750 000 евра. Замислете сеа ваков успех да има и у Фудбал, Кошарка, Одбојка или у некој друг попопуларен спорт кај нас, има да банкротираме истиот момент. Море само нека има, а за пари ќе се снајдеме.

Пост-постскриптум. Патем почна пилот проектот ваучери за Националните спортски федерации со кој се надевам дека ќе се успее да се закрпи некоја дупка у нашиот спорт и работите ќе тргнат на подобро, за потоа што помалку државни пари да се одвајаат за вакви настани, а после кое политичарите не ќе можат да го користат тоа и да собираат политички поени.