ТРГОВСКИ МОН АМУР

Ако Скопје почнало да се гради и да се населува кога владееле Другарите, продужува као никад досега и со денешниве Господа. Зграда до зграда, лепенки, една до друга. Мало невнимание и така ќе ја заковаш главата у некоја тераса, што двајца специјалисти од ургентна нема да можат да те закрпат. Како што е згуснат градов има Токио да ти се види. 

 

Се градат Згради али рука на срце и Трговски Центри. Кој што отвара ние Трговски Центри. Како тргнало уште малку секое Маало ќе има свој Трговски Центар. Ќе се среќаваме на улица, - Каде бе? Еве, до Трговскиот ќе идам. - Кај ви се наоѓа? Под прозор, немаше друго слободно место.

 

Абе што потенцијални паркови се уништија Трговски Центри да се изградат. Па имаме Трговски Центри по глава на жител као нигде у светов. У 3 сабајле да ме пробудиш ќе ги набројам едно 25 комада така поспан. Од кај сега овој феномен со Трговскиве не е познато, па уште и Инвестиции биле ебате беља. Да не живеев у Македонија немаше да знам дека Трговски Центар е Инвестиција.

 

Мене колку што ми е познато Америка од депресија се лечеше со улагање у инфаструктура. Па и еден Хитлер, да не испадне дека го фалам, го има сфатено тоа и он улагал у инфраструктура, праел Автопатишта, а не Трговски, не сме ваљда поненормални од него. 

Замисли еден Џон Дилинџер, Државни Непријатељ Број 1 у Америка да пљачкал Трговски Центри, не би се ни слушнало за него или Џеси Џејмс на коњ па у грабеж на Трговски, нема шанси, ќе го прогласеа за Луд. Никој не ги ебавал, само ние нешто многу се палиме на тоа Трговските. 

 

Еве сега се градат и некакви Висококатници у Аеродром со објект кој ќе претставувал Деловен и се разбира, Трговски Центар. Па изградија и Трговски карши Трговски, то е оној Капитол што се наоѓа карши Бисер. Аеродром ќе руши рекорди, толку Трговски Центри у пречник од 500 метри нема нигде, а Скопје дефинитивно треба да влезе у Гинис. Па после Сити Мол, па Рамстор Мол, па ваков Мол, онаков Мол, лудница. Све ги градат кај што можело некое Паркче да има. Хаос. Толку ли Скопје имаше потреба од Трговски Центри стварно не ми е јасно.

 

Абе у времето се знаеше еден Трговски Центар и крај. Ако не ги рачунаме Стоковна Куќа и Беко. Али тие беа друг тип и не се водеа како Трговски Центри. Закажеш со некого да се чекаш кај Трговски и крај. Оди сега закажи кај Трговски, нема да можете со месеци да се најдете. Па кој трговски, па сега и имиња им тураат, па како се вика, кај се наоѓа, абе да полудиш.  

 

Ко ќе ми текне у времето доживљај беше да идеш у ГТЦ. Мераци. Абе тоа спремање со саати, дотеруење како за на свадба. Ја копиљ па ко ќе ми кажат дека и плоча ќе купуеме бреее, неможеш да дочекаш. Па у Југотон, па у ПГП, па доле у подрум имаше една забутана за плочи, па у Годел по Кондури, влези вамо влези тамо, цел ден да акаш не можеше да ти прекурчи. Док шетаме уз пут обавезно еден фишек костени или Сладолед на Точење. Еднаш и се изгубив да си ибам тоа глааата, ама одма ме најде еден комшија. Кај ќе идеш, еден Трговски сите тука ќе поминат еден ќе те најде. Иди сега изгуби се - Интерпол не те наоѓа. Дури и како Копиљаци организирано сме иделе да акаме по ГТЦ, интересно ни било. Влегуеш у автобус, а внатре неизбежен декор Љубе Љигавиот, тепаш време со него и за 5 минути си на Рекорд. 

 

Ако продужат со ова градење на Трговски Центри ќе почнеме уште малку и да ги сањаме навечер. Како Фреди Кругер лично у сон ќе ни идат за да не вадат од памет. Кошмар у улица на Трговските ќе биде. Па после за да заспиеме Трговски Центри ќе броиме наместо Овци.

 

Ќе се Шашардисаме до таа мера што ќе почнеме и речникот да го мењаваме ради тие Трговски, а со тоа и пцуењето ќе ни се смени. На пример ќе пцуеме - Ма иди бре у Трговски Центар, или - На мајка ти у сред Трговски Центар. А онаа Клетвата по ново ќе биде - Да имаш па да немаш Трговски Центар, или - Судијаа, Гол низ Трговски Центар да ти шетам. А Бајките нормално ќе почињаат со „Си бил еднаш еден Трговски Центаар...“

 

Највероватно ќе снимаме и филмови со таа тематика. Блокбастери, како на пример „Беше еднаш у Трговскиот Центар“, или пак „Лоренс од Трговскиот Центар„ Потоа „Лет изнад Трговскиот Центар“ Може и Чак Норис да го ангажираме у “Исчезнати у Трговскиот„ 

 

А може и Порничи да снимаме, како на пример “Деби го осваја Трговскиот„ зашто да не, а може и наши преработки, да речеме “Трговскиот центар во пламен„ - Све Ремек Дела ќе бидат, башка и пари ќе носат.

 

Ќе ги опееме и у песни, а хит ќе биде - Сношти минав покрај Трговски, тебе моме не те најдооов...  А Селимова и Желчевски гордо ќе пеат - Сношти поминав, заминав покрај Трговските Центари. Бен сени северам, Чок сени северам, покрај Трговските Центари. Ќе имаат и своја химна - Денес над Трговскиот се раѓа, ново сонце на слободата... А за да ги освоиме светските топ листи ќе ни треба и хит, нешто како... Welcome to the Тrgovskiot Centar, Such a lovely place, Such a lovely face... 

 

И додека ред се редат мале Трговските центри, ние на секое отварање трчаме како беспари да ќе даваат. Не зато што ќе купуваме, него онака, да се почудиме малку. Демек вакво нешто не сме виделе досеа. И како и секое чудо и тоа ќе трае три дена. Живот иде даље, ние не сме побогати уште еден Трговски, али зато сме посиромашни за чист ваздух. На некое од тие места можеше да се направи некоја Парк Шума како онаа у Гази Баба, зашто да не. Трговските Центри да беа Циркус ќе се собереа и ќе останеше само округли траг на месту Шатре, вака... Мене све ми се чини дека ако не се преземе нешто може комотно сите заедно да идеме у три лепи Трговски Центри.

Ете си кажав што мислам. Викаат дека хартијата трпи се. Ако нека трпи, доста ја трпев.