Прва Скопска Градежна Војна

Скопје и Скопјани ги изгубија сите битки со градежниците во војната која траеше речиси цели 30 години. А започна некаде на почетокот на девеесетите со инвазија на градежниците со нивната тешка механизација на Дебар Маало, подмолно и без објава на војна. Го освоија побрзо него Хитлер Пољска. Голоракиот Дебармаалски живаљ не можеше да пружи никаков отпор против далеку надмоќниот непријател.

Охрабрени од лесната окупација на Дебар Маало, градежничкиот окупатор потпомогнат од домашните градоначалници и нивните слуги советниците, почнаа офанзива за освајање и на Кисела Вода, Водно, Аеродром и други скопски територии. Скопјани официјално ја потпишаа капитулацијата веднаш после градоначалничките избори во Октомври 2017 година. За време на оваа 30 годишна војна животот го положија иљадници дрва, паркови и тревници.

Многумина ќе се запрашаат зашто оваа војна е изгубена. Одговорот е едноставен, градежниците у својте редови ги имаа најголемите градежни стратези олицетворени во ликовите на Скопските и општинските градоначалници. Вакви стратези би посакала секоја градежно воена машинерија.